Темы

Пабачыла свет кніга Алеся Казекі «Песня роднай зямлі»

Пабачыла свет кніга Алеся Казекі «Песня роднай зямлі»

Да 75-годдзя Вялікай Перамогі ў выдавецтве «Мастацкая літаратура» пабачыла свет кніга Алеся Казекі «Песня роднай зямлі». У кнігу ўвайшла не толькі шматгранная лірыка (ад патрыятычнай да філасофскай), але і паэмы (такія, як «Марыйка», «Медуніца»), і паэтычныя апавяданні.

Творы Алеся Казекі – гэта філасофскія разважанні аб сэнсе жыцця, адносінах паміж людзьмі, аб месцы чалавека ў светабудове. Вялікую ўвагу паэт у сваёй творчасці ўдзяляе родным мясцінам, адлюстраванню жыцця сучаснай вёскі, прыгажосці роднай прыроды.

Іншы раз бывае так, што вершы якогась «засвечанага» паэта годна ўспрымаюцца і ацэньвацца спецыялістамі-філолагамі, але не маюць прызнання ў асяродку шэраговых чытачоў. З творамі Алеся Казекі не так. Яны запатрабаваны якраз людзьмі, далёкімі ад тэарэтычных практыкаванняў. Магчыма, у многім з-за таго, што таленавіты аўтар – не гуманітарый паводле адукацыі, таму не карыстаецца прафесійнымі шаблонамі і штучнымі вобразамі. Затое ён мае арганічную прыродную здольнасць ствараць сапраўдную паэзію. А гэта чытач заўсёды адчувае і цэніць.

Што мяне асабіста прываблівае ў паэзіі Алеся Казекі?

Прызнаюся, зусім не часта даводзіцца слухаць вершы, у якіх гэтак пранізліва-чыста гучыць голас шчырага пачуцця любові да Радзімы. Голас лірыка, філосафа, воіна. Голас Грамадзяніна.

Чытаеш «Радоўку» і «Час сяўбы» і нібыта апынаешся ў блізкіх да болю мясцінах маленства – аж сэрца пачынае заміраць-прыпыняцца, так хочацца вярнуць невяртаемае.

Адкрываеш паэму «Шлях» – агортвае неспазнаная трывога. Відно, што існуючы стан рэчаў моцна хвалюе паэта і яго хваляванне міжволі перадаецца чытачу.

І зусім у іншай іпастасі паўстае аўтар у паэме «Марыйка». Ён тут не апісальнік, не назіральнік, ён – непасрэдны ўдзельнік помнай жахлівай трагедыі. Душэўны боль, недаўменне, надзея – гэта толькі мізэрны пералік эмоцый, якія ахоплівалі мяне падчас прачытання твора.

Шматгранныя ў сваёй тэматыцы вершы, таленавітыя паэмы – патрэбная чытачам кніга.

Хай загучыць Песня.

Ігар Марзалюк, старшыня Пастаяннай камісіі па адукацыі, культуры і навуцы Палаты прадстаўнікоў Нацыянальнага сходу Рэспублікі Беларусь, Член-карэспандэнт Нацыянальнай акадэміі навук Беларусі, доктар гістарычных навук, прафесар

Последние новости

Культура

Во Дворце культуры области с аншлагом прошел концерт юной белорусской певицы Ангелины Волковой

26 апреля 2025
Читать новость
Культура

Юбилейный концерт Могилевского городского духового оркестра

26 апреля 2025
Читать новость
Культура

Киномероприятия ко Дню чернобыльской трагедии

26 апреля 2025
Читать новость
Новости компаний

Во дворе домов №5 и 7 по ул. Кутепова открылась новая детская площадка!

26 апреля 2025
Читать новость
Общество

История одного чемодана…

26 апреля 2025
Читать новость
Новости компаний

График работы общественного транспорта на Радуницу в Могилеве

26 апреля 2025
Читать новость

Рекомендуем